The Oriental Express var nafnið á járnbrautarleið sem flutti upprunalega evrópska farþega milli Parísar og Istanbúl.
Leiðin var stofnsett árið 1883 af Compagnie Internationale des Wagons-Lits en það vildi bjóða yfirstéttinni ferðalag sem einkenndist af lúxus og þægindum.
Þess vegna varð The Oriental Express skjótt samheiti fyrir lúxusferðalög.
Eftir 1883 var leið lestarinnar breytt, hún lengd mörgum sinnum og önnur fyrirtæki tóku að nota nafnið til að lokka viðskiptavini til sín.
Upprunalega leiðin sem var fyrst farin 4. október1883, lá frá París til rúmensku hafnarborgarinnar Giurgiu, með viðkomu í München.
Í Rúmeníu héldu farþegarnir með ferju yfir Dóná til Búlgaríu og síðan var haldið áfram með lest til borgarinnar Varna.
Þá var farið aftur með ferju sem sigldi síðasta spölinn til Istanbúl. Það var fyrst árið 1889 sem farið var í einni samfelldri lestarferð frá París til Istanbúl.
Síðasta eiginlega lúxuslestin með þessu víðfræga nafni hélt frá brautarstöðinni í París til Istanbúl þann 19. maí árið 1977.
Eftir það var leiðin stytt hvað eftir annað, þar til síðasta Austurlandahraðlestin fór frá Strasbourg til Vínar í desember 2009.