Meðferð við sykursýki alveg án lyfja

Eftir tímamótarannsókn gæti nú opnast leið að meðhöndlun sykursjúkra alveg án þess að nota sprautur, pillur eða blóðsykursmælingar.

BIRT: 05/11/2022

LESTÍMI:

< 1 mínútur
Share on facebook

Á síðustu 30 árum hefur fjöldi sykursjúkra á heimsvísu nærri fjórfaldast og nú kostar sjúkdómurinn árlega a.m.k. 1,5 milljónir manna lífið.

 

Langflestir hafa sykursýki 2 sem nú er einkum haldið niðri með blöndu af lífstílsbreytingum, pillum og daglegum sprautum.

 

En nú gæti ný tilraun hóps vísindamanna rutt brautina að því marki að hægt verði að meðhöndla sjúkdóminn alveg án lyfja.

 

Sykursýki 2 lýsir sér í því að magn glúkósa (sykurs) í blóði er of mikið.

 

Þetta stafar annað hvort af því að frumur líkamans eru ekki lengur jafn næmar fyrir hinu lífsnauðsynlega hormóni insúlíni eða vegna þess að brisið framleiðir ekki lengur nægilega mikið af því.

Myndband: Skildu sykursýki 1 hér

 Í tilrauninni tókst vísindamönnunum að koma í veg fyrir og lækka of hátt blóðsykurstig í sykursjúkum svínum, músum og rottum með því að skjóta þjöppuðum hátíðnihljóðbylgjum í átt að taugabúnti í lifrinni.

 

Hátíðnihljóðunum var beint að litlu svæði neðst í lifrinni, „porta hepatis“. Þarna er taugabúnt og frá svæðinu berast heilanum skilaboð um magn sykurs og annarra næringarefna í blóði til að heilinn geti komið á jafnvægi.

 

Þessar taugabrautir tókst að virkja með daglegum skammti hátíðnihljóða.

 

3 mínútur af meðferð á dag er nóg

Samkvæmt niðurstöðum rannsóknarinnar dugðu þrjár mínútur á dag til að koma blóðsykurmagni niður á eðlilegt stig í dýrunum.

 

Næsta skref felst í rannsókn á því hvort niðurstöðurnar gildi líka um menn og fyrsta stigs rannsókn á því er þegar hafin.

 

Aðeins þriggja mínútna hátíðnibylgjumeðhöndlun á dag dugði til að draga úr magni blóðsykurs í dýrum með sykursýki.

BIRT: 05/11/2022

HÖFUNDUR: NANNA VIUM

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is