Nú vitum við hvar lyfleysuáhrifin verða í heilanum

Nýjar skannanir í gríðargóðri upplausn sýna að lyfleysuáhrif verða í heilastofninum.

BIRT: 25/08/2022

LESTÍMI:

< 1 mínútur
Share on facebook

Talið er að um 10% alls mannkyns þjáist af langvinnum verkjum. Ný rannsókn á hinum dularfullu lyfleysuáhrifum gefur nú vísbendingar um hvernig nýta megi þau í framtíðinni til að lina verki.

 

Rannsóknin var gerð við Melbourneháskóla í Ástralíu og fMRI skanni var notaður til að fá fram áður óséða nákvæmni í myndum. Þær leiddu í ljós nákvæma staðsetningu bæði lyfja- og lyfleysuáhrifa sem reyndust verða í heilastofninum.

 

Lyfleysuáhrif eru hið illskýranlega fyrirbrigði, þegar meðferð hefur áhrif eða aukaverkanir verða en sjúklingurinn hefur í rauninni ekki fengið lyf.

Rannsóknin fór þannig fram að heili þátttakenda var skannaður meðan þeir báru sérstakt kopararmband sem hitað hafði verið upp í miðlungserfið sársaukamörk.

 

Þátttakendum var síðan boðið að lina sársaukann með einu af alls þremur kremum. Ein gerðin jók á sársaukann, önnur linaði hann en sú þriðja hafði alls engin áhrif.

 

Í flestum tilvikum fundu þátttakendur fyrir þeim áhrifum sem þeim var sagt að kremið hefði. Í raun og veru var þetta þó allt sama kremið, nefnilega venjulegt vaselín.

Staðreyndir

  • Heilastofninn tengir heila við litla heila og mænu og virkar sem miðstöð fyrir taugabrautir líkamans.

 

  • Lyfleysuáhrifin hafa verið þekkt síðan árið 1572, þegar franski heimspekingurinn Michel de Montaigne tók eftir að sumum leið betur við það eitt að sjá lyf.

Það sem er sérstakt við þessa tilraun er að heilinn var samtímis skannaður í gríðarlega hárri upplausn.

 

Skannamyndirnar sýndu að lyfleysuáhrifin auka virkni heilasvæðisins „rostral ventometrical medulla“ sem miðlar sársaukaboðum en draga aftur á móti úr virkni í hinum svonefnda „gráa heilamassa“ sem hjálpar líkamanum að bæla niður sársauka. Lyfjaáhrif valda öfugri virkni.

 

Vísindamennirnir að baki rannsókninni vonast til að þessi nýja þekking geti í framtíðinni leitt af sér meðferðarúrræði við langvinnum verkjum, t.d. vegna taugaskaða.

BIRT: 25/08/2022

HÖFUNDUR: Denis Rivin

HÖFUNDARÉTTUR MYNDA: Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is