Blanda tveggja þegar viðurkenndra lyfja getur breytt krabbafrumum í óskaðlegar fitufrumur. Þetta sýnir rannsókn vísindamanna hjá Baselháskóla í Sviss.
Annað lyfið, rosiglitazone, er notað við sykursýki II og eykur næmi fyrir insúlúlíni.
Lyfið bindur sig við viðtaka í fituvef og á þátt í að þroska fitufrumur.
LESTU EINNIG
Hitt lyfið, tametinib, er notað gegn krabba og hamlar gegn vexti krabbafrumna.
Vísindamennirnir prófuðu lyfjablönduna á músum með brjóstakrabbafrumur úr mönnum græddar í fitu í mjólkurkirtlavef.
Krabbafrumur breyttust í fitu
Krabbamein dreifir sér um líkamann með því að æxlið losar frá sér krabbafrumur sem berast með blóði og mynda ný æxli, kölluð meinvörp, annarsstaðar.
Til að geta yfirgefið æxlið breyta þessar frumur sér. Segja mætti að þær gangi í barndóm með því að þróast til baka á fyrra frumustig.
Lyf breyta nýjum krabbafrumum í fitufrumur
Blanda tveggja þekktra lyfja kemur nýjum krabbafrumum til að þróast í fitufrumur og kemur þannig í veg fyrir myndun og dreifingu meinvarpa.
Krabbafrumurnar sjást hér grænar á yfirborði æxlis.
Eftir meðferðina breyttust krabbafrumurnar í fitufrumur (brúnt)
Og hér grípur nýja aðferðin inn. Á þessu fyrra þroskastigi eru auðveldara að hafa áhrif á frumurnar og þær geta þróast til fleiri átta.
Lyfjablandan kemur þeim til að þróast í fitufrumur en ekki krabbafrumur og hægir þar með á dreifingu krabbameinsins.
Krabbinn hættir að dreifa sér
Í músunum urðu áhrifin þau að krabbinn dreifði sér ekki til annarra líkamshluta. Jafnframt sýndu tilraunirnar að upphaflega æxlið minnkaði.
Vísindamennirnir hyggjast nú rannsaka hvort meðferðin hefur sömu áhrif á fleiri gerðir krabbameina og hvernig blanda nýju meðferðarinnar og hefðbundinnar efnameðferðar virkar.
LESTU EINNIG
