Sjálfskipuð félagsleg einangrun frá vinum og fjölskyldu hefur í áratugi, með aukinni þéttbýlismyndun, tækifærum á netinu og stöðnuðum hagvexti, verið vaxandi vandamál í Japan og þekkt sem „hikikomori“.
Yfir hálf milljón af alls 126 milljónum Japana þjáist í dag af áhrifum hikikomori heilkennisins og eiga fáa nána vini og eiga mjög takmörkuð félagsleg samskipti.
Tilhneigingin til að loka sig af er orðin að alþjóðlegu hugtaki, einnig meðal barna og ungmenna. Þetta sýnir ný rannsókn tveggja sálfræðiprófessora sem gefnar eru út af Bandaríska læknabókasafninu.
Ekkert samband við neinn
Hikikomori er skilgreint þannig að viðkomandi lokar sig inn á heimili sínu eða inná herbergi án teljandi félagslegra samskipta. Þetta ástand getur varað í sex mánuði og jafnvel í mörg ár.
Tilvik þar sem vikulega eru farnar tvær til þrjár ferðir út úr húsi með félagslegum samskiptum eru flokkuð sem væg tilvik. Í alvarlegum tilfellum er engin félagsleg umgengni – jafnvel ekki innan heimilisins þar sem einn fjölskyldumeðlimur vill ekki yfirgefa herbergið sitt og hefur því lágmarks samskipti við hina.
Einangrun í nokkur ár
Japönsk hikikomori rannsókn frá árinu 2016 áætlaði að 541.000 Japanir þjáðust af völdum heilkennisins.
Rannsóknin sýndi fram á að um það bil 75 prósent höfðu einangrað sig heima hjá sér í meira en ár og þar af helmingur í meira en sjö ár.
Fjölmargir þeirra sem einangruðu sig fundu fyrir miklum einmanaleika, lítið var um félagslegt tengslanet og töluvert af lífeðlisfræðilegum eða sálrænum vandamálum eins og félagsfælni sem svo jók á félagslega sjálfsútskúfun.
LESTU EINNIG
Hikikomori skellir til Evrópu
Með kórónufaraldrinum var svo miklu skellt í lás í heiminum. Þar mynduðust aðstæður svipaðar hikikomori og nú hefur heilkennið dreifst til Evrópu og fleiri svæða.
Fimm ára gömul ESB rannsókn sýni fram á að 75 milljónir fullorðinna Evrópubúa – um 20 prósent – hitta fjölskyldu eða vini í mesta lagi einu sinni í mánuði og átta prósent fundu fyrir einmanaleika.
Nýrri rannsókn á fyrstu mánuðum kórónuveirufaraldursins árið 2020 sýndi að um 25 prósent íbúa ESB, alls 447 milljónir, þar á meðal börn og ungmenni fundu fyrir einmanaleika.
Börn og unglingar
Meðal barna og ungmenna hefur einmanaleiki fjórfaldast miðað við svipaða rannsókn frá árinu 2016.
Á Evrópusvæðinu fundu Frakkar mest fyrir einsemdinni en um 31,6 prósent íbúanna sögðust oft finna fyrir einmanaleika.
Í kjölfar þessarar ískyggilegu þróunar á einmanaleika og sjálfseinangrun hefur ESB sett á laggirnar nokkra vinnuhópa og safnað rannsóknarskýrslum um einmanaleika sem þú getur fundið á þessum hlekk.
