Fólk sem þjáist af áfallastreituröskun verður oft fyrir sjálfsvígshugsunum en læknar hafa enn engin tæki sem gagnast gegn því.
Vísindamenn hjá Yaleháskóla í Bandaríkjunum vekja nú vonir um að slíkt gæti verið í augsýn.
Vísindamennirnir hafa uppgötvað að einn tiltekinn viðtaki á yfirborði heilafrumnanna virðist gegna lykilhlutverki þegar sjálfsvígshugleiðingar eru annars vegar og þegar einstaklingur hefur mikið af þessum viðtökum sem kallast mGluR5, geti það verið til merkis um sjálfsvígshugsanir.
Aukinn fjöldi viðtakanna mGluR5 (grænt) getur verið merki um sjálfsvígshugsanir.
Heilbrigður einstaklingur
Einstaklingur í sjálfsvígshættu
Fimm heilasvæði lýstu upp
Vísindamennirnir skönnuðu heila 29 einstaklinga með áfallastreituröskun og líka heila 29 heilbrigðra einstaklinga. Fyrir skönnunina voru allir þátttakendur spurðir um sjálfsvígshugleiðingar.
Niðurstöðurnar sýndu að á fimm svæðum í heila var aukinn fjöldi mGluR5-viðtaka hjá þeim sem þjáðust af áfallastreituröskun í samanburði við hina heilbrigðu.
Jafnframt sáu vísindamennirnir að fjöldi viðtakanna var mestur hjá þeim sem höfðu sjálfvígshugsanir.
Mælingar á fjölda mGluR5-viðtaka má þar með nota bæði til að greina áfallastreituröskun og meta sjálfsvígsáhættu sjúklings.
Jafnframt gefur uppgötvunin færi á þróun nýrra lyfja sem haft gætu hemil á fjölgun þessara viðtaka.
Þarft þú á aðstoð að halda – Píeta samtökin.
Það er alltaf von. Hafðu samband í síma 552-2218 og við finnum lausnir með þér.
Þú ert ekki ein/n/eitt. Margir hafa fundið fyrir sömu tilfinningum og þú ert að upplifa núna en eru enn lifandi í dag. Það er í lagi að tala um sjálfsvígshugsanir.
Sjálfsvígshugsanir eða sjálfsskaði eru ekki merki um veikleika heldur mikla vanlíðan og sálrænan sársauka. Allir geta upplifað sjálfsvígshugsanir.
Þú getur náð bata. Það er fólk sem getur hjálpað þér og er til staðar fyrir þig. Hafðu samband við Píeta núna. Þú getur einnig haft samband við 1717 eða mætt á neyðarmóttöku geðsviðs.
Ef þú ert í bráðri hættu, hafðu strax samband við 112.
