Hinir 5.000 ára gömlu steinhringir í Stonehenge á Englandi hafa nú upplýst enn eina ráðgátu.
Rétt hjá þessum stórum steinblokkum hafa fundist leifar af brenndum líkum á aldur við mannvirkið og það er orsök þeirrar kenningar að Stonehenge hafi verið minnismerki til heiðurs hinum látnu.
Ekki hefur verið vitað af hverjum beinaleifarnar voru, en það er nú upplýst eftir nýjar greiningar enskra fornleifafræðinga.
220 km ferðalag
Líkin voru brennd áður en beinin voru grafin og því er ógerlegt að ná úr þeim DNA til greiningar.
Leifar af beinum og höfuðkúpum við Stonehenge eru úr fólki sem bjó í Preseli Hills í Wales í 220 km fjarlægð.
Þess í stað rannsökuðu vísindamennirnir mismunandi ísótóp frumefnisins strontíum.
Samsetning þessara ísótópa er mismunandi eftir hvar fólk hefst við og því má líkja við fingraför sem sína hvar við höfum alið manninn síðustu tíu árin.
Greiningar á beinunum sýndu að 5 af 25 líkum voru af fólki sem að öllum líkindum hafði átt heima í Preseli Hills í vesturhluta Wales, um 220 km frá Stonehenge.
Hin 15 reyndust frá næsta nágrenni. Niðurstöðurnar sýna að fólk hefur flutt sig talsvert til á Bretlandseyjum fyrir 5.000 árum.
