Streita gerir heila barna fullorðna

Erfið lífsreynsla snemma á ævinni veldur því að heilinn þroskast fyrr en ella.

BIRT: 10/10/2022

LESTÍMI:

2 mínútur

Flestir foreldrar vilja allt gera til að vernda börnin sín gegn áföllum í lífinu. Nú hafa rannsóknir leitt í ljós að heilar barna sem verða vitni að t.d. slysum eða ofbeldi fullorðnast hraðar en heilar annarra barna.

 

Vísindamenn við Stanford háskóla í Bandaríkjunum fylgdust á tveggja ára tímabili með 214 börnum á aldrinum níu til þrettán ára og hafði hluti barnanna reynslu af slysum eða ofbeldi. Á þessu umrædda tímabili voru teknar heilasneiðmyndir af börnunum og þá voru jafnframt tekin úr þeim frumusýni úr munnvatni.

Í heilum fullorðinna dregur framheilinn (grænt) úr starfsemi möndlunnar (fjólublátt).

Sneiðmyndirnar leiddu í ljós að heilar barna sem höfðu orðið vitni að streituvaldandi atburðum þroskuðust hraðar en ella og fóru frekar að hegða sér eins og fullorðnir heilar.

 

Þetta átti einkum við um samstarfið á milli tveggja hluta heilans, þ.e. framheilans og möndlunnar. Þessi tvö svæði eru oft virk samtímis í börnum, á meðan virknin er aðskilin í fullorðnum.

 

Eldri heilar og yngri líkamar

Þegar fullorðnir nota framheilann dregur úr starfseminni í möndlunni og þetta telja vísindamenn vera mikilvægt til þess að við getum haft hemil á tilfinningum okkar.

 

Rannsóknirnar leiddu jafnframt í ljós að þessi sömu börn voru lengur á gelgjuskeiðinu og að öldrun frumna þeirra var hægari en ella. Erfiðu upplifanirnar færðu börnunum fyrir vikið eldri heila og yngri líkama.

Niðurstöðurnar í heild gefa til kynna að streita snemma á ævinni geti haft mikil áhrif á þroska barna.

BIRT: 10/10/2022

HÖFUNDUR: Jens Matthiesen

HÖFUNDARÉTTUR MYNDA: Getty Images, © Shutterstock & Ken Ikeda Madsen

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is