Svona mikið vatn ættir þú að drekka á dag

Vísindamenn benda á að áður ráðlögð 8 glös af vatni á dag gætu verið of mikið.

BIRT: 07/12/2022

LESTÍMI:

3 mínútur

Finnst þér erfitt að drekka 8 glös af vatni á dag, jafnvirði 2 lítra, þó þú vitir að það styrki heilsuna? Þá eru hér góðar fréttir fyrir þig.

 

Vísindamenn frá háskólanum í Aberdeen í Skotlandi hafa komist að því að 2 lítrar af vatni eru sennilega meira en flest okkar þurfa.

Salat inniheldur mikið af vatni. Allt að 97 prósent af gúrku samanstendur af vatni og innihald vatns í vatnsmelónum er um það bil 92 prósent.

Þar sem um það bil helmingur daglegrar vökvaneyslu okkar kemur frá mat, áætla vísindamenn að við þurfum aðeins að drekka 1,5 til 1,8 lítra af vatni á dag.

 

Þetta kemur fram í rannsóknargrein sem birtist í bandaríska tímaritinu Science.

 

Vökvi úr matvælunum með í útreikningnum

 

Að sögn John Speakman, prófessors við háskólann í Aberdeen, byggjast ráðin um að drekka 2 lítra af vatni á dag á minniháttar reikningsvillu.

 

„Vökvaþörf okkar er munurinn á vökvanum sem við ættum að neyta og því magni sem við neytum í gegnum matinn,“ segir hann í útvarpsþættinum Good morning Scotland á BBC og útskýrir nánar:

 

„Vökvaneysla fólks var hins vegar áætluð áður fyrr með því að spyrja einfaldlega hvað það borðaði. Fólk hefur tilhneigingu til að vanmeta hversu mikið það borðar.

 

Nú hafa vísindamenn hins vegar unnið saman heimsálfa á milli í viðleitni til að mæla vökvatap fólks eins nákvæmlega og hægt er.

 

Alhliða rannsókn

Rannsóknin náði til 5.604 manna á aldrinum 8-96 ára í 23 mismunandi löndum.

 

Það fól meðal annars í sér að viðfangsefnin þurftu að drekka vatnsglas þar sem sumum vetnissameindunum hafði verið skipt út fyrir stöðugar samsætur skaðlausa frumefnisins deuterium – einnig kallað þungt vetni.

 

Hraðinn sem auka-deuterium hvarf úr líkamanum gæti í kjölfarið gefið rannsakendum vísbendingu um vökvaveltu próftakanna sem segir til um hversu mikinn vökva einstaklingur tekur inn og losar frá sér á sólarhring.

Mikilvægt er að drekka vatn ef þú ert hátt yfir sjávarmáli. Mikill raki krefst þess einnig að þú fylgist sérstaklega vel með vökvajafnvæginu til að forðast ofþornun.

Hér var meðal annars ljóst að fólk sem hefur hröð efnaskipti ætti að drekka meira vatn en fólk sem hefur hægari efnaskipti.

 

Fyrrnefndi hópurinn er meðal annars fólk sem býr á svæðum með miklum raka, íþróttamenn, barnshafandi og konur með barn á brjósti.

 

Vökvanotkun minnkar með aldri

Orkunotkun er stærsti þátturinn sem hefur áhrif á vökvanotkun og meðal einstaklega virkra karla á aldrinum 20 – 35 ára hefur vökvanotkun verið allt að 4,2 lítrar á dag.

 

Hjá körlum og konum á aldrinum 90 – 99 ára fer talan hins vegar niður í um það bil 2,5 lítra á dag en konur í aldurshópnum 20-40 ára að meðaltali 3,3 lítra á dag.

LESTU EINNIG

Vísindamaðurinn Dale Schoeller frá háskólanum í Wisconsin-Madison telur að það hafi aldrei verið raunverulegar vísindalegar sannanir fyrir því að ráðleggja fólki að drekka átta glös af vatni á dag.

 

Hann telur hins vegar að það hafi verið ónákvæmt þar sem ekki hafi áður verið tekið nægilegt tillit til daglegrar vökvaneyslu með því að borða mat.

 

„Þessi rannsókn er sú nákvæmasta til þessa hvað varðar mælingar á því hversu mikið af vökva fólk neytir í raun og veru á hverjum degi, hversu mikið það losar og hvaða þættir hafa áhrif á ferlið,“ segir hann.

BIRT: 07/12/2022

HÖFUNDUR: SUNE NAVNTOFT

HÖFUNDARÉTTUR MYNDA: Shutterstock,

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is