1. Náhvalur
Gerð: Skögultönn.
Lengd: Allt að þrír metrar.
Náhvalur hefur tvær framtennur. Sú hægri verður allt að 30 cm löng og helst inni í gininu en vinstri tönnin stækkar miklu lengra og vex út gegnum efri vörina – einkum hjá törfunum. Samkvæmt nútímakenningum er hún búin taugum sem m.a. geta greint seltu sjávarins.
2. Afrískur fíll
Gerð: Skögultennur.
Lengd: Allt að 2 metrar.
Skögultennur fíla gegna ýmsum hlutverkum. Þær má nota til að grafa, bera og safna fæðu en jafnframt eru þær mikilsverð hlíf fyrir ranann sem er fílnum afar mikilvægur þegar hann étur eða drekkur.
3. Rostungur
Gerð: Augntennur.
Lengd: Allt að 1 metri.
Tvær augntennur verða að skögultönnum niður úr efri gómi rostunga. Karldýrin beita tönnunum óspart í baráttu um kvendýrin en þær nýtast í ýmislegt fleira, t.d. þegar dýrin þurfa að vega sig upp á ísinn.
4. Flóðhestur
Gerð: Augntennur.
Lengd: 50-60 cm.
Flóðhestar nota augntennurnar sem vopn gegn öðrum flóðhestum eða til að hræða önnur dýr á flótta. Tennurnar eru banvæn vopn og komust t.d. á forsíður blaða þegar flóðhestur beit taívanskan ferðamann til bana í Keníu 2018.
5. Hjartarsvín
Gerð: Augntennur.
Lengd: 40-45 cm.
Snúnar tennur þessa svíns eru trúlega bæði stöðutákn og vopn í baráttu við önnur dýr. Tennurnar halda áfram að vaxa og geta á endanum borað sig inn í höfuðkúpuna ofanverða.
LESTU EINNIG
