Loksins hafa vísindamenn fundið út úr því af hverju nefið stíflast oftar og af hverju flensan verður svona skæð yfir vetrarmánuðina.
Ástæðan er lífeðlisfræðileg samkvæmt bandarískri rannsókn sem birtist í Journal of Allergy and Clinical Immunology.
„Hingað til hafa menn talið að kvef- og flensutímabilið væri algengara á köldum mánuðum vegna þess að fólk er meira innandyra og loftbornir vírusar ættu þ.a.l. auðveldara með að dreifa sér,“ segir Dr. Benjamin Bleier frá Harvard háskóla, sem er einn af höfundunum rannsóknarinnar.
„Rannsókn okkar bendir hins vegar á líffræðilega undirrót,“ heldur hann áfram.
Hörð barátta er háð í nefinu
Samkvæmt niðurstöðum rannsóknarinnar eru meiri hætta á öndunarfærasýkingum eins og flensu og kvefi þegar hitastigið lækkar.
Ástæðuna er að finna í nefinu. Þar er fyrsta varnarlína líkamans gegn innrásarsýklum sem valda sjúkdómum.
Þegar vörnin í nefinu virkar sem best, losnar hópur svokallaðra utanfrumublaðra sem miða að því að fanga og ráðast á innrásarlífverur sem geta sýkt okkur.
En þegar nefið kólnar veikjast varnir þess gegn utanaðkomandi sýklum eins og vírusum og bakteríum.
Nefið er berskjaldað þegar kemur að sýklum eins og vírusum og bakteríum.
Vísindamennirnir komu þátttakendum rannsóknarinnar fyrir í 4,4 gráðu hitastigi í 15 mínútur. Þetta leiddi til þess að hitastigið lækkaði um 5 gráður inni í nefinu.
Að sögn rannsakenda var afleiðing kuldans sú að þátttakendur voru með verri ónæmissvörun í nefi.
Fjöldi svokallaðra utanfrumublaðra, sem hafa það hlutverk að verja nefið gegn sjúkdómum, fækkaði þannig um tæp 42 prósent í kuldanum, en þær sem eftir voru virkuðu verr en í hærra hitastigi.
Með öðrum orðum er gátan um vetrarsjúkdómanna leyst.
Eftir stendur spurningin um hvernig best sé að vernda óvarið nef með sinni útstæðri stöðu í miðju andlitinu þar sem það er sérstaklega útsett fyrir bæði köldum vindi og bakteríum.
