Sprengingin yfir Tunguska í Síberíu 1908 er meðal stærstu ráðgátna jarðfræðinnar. 80 milljónir trjáa lögðust flatar á 2.000 ferkílómetra svæði og sjónarvottar segja frá ljósleiftri sem breiddist út um himinhvolfið í heila mínútu en í kjölfarið kom höggbylgja sem braut gluggarúður og feykti fólki um koll í 60 kílómetra fjarlægð.
Eina skýringin sem vísindamenn hafa getað gefið fram að þessu er að þarna hafi annað hvort stór loftsteinn úr bergi eða halastjarna úr ís verið á ferðinni. Atburðurinn varð kl. 07.17 þann 30. júní. Gallinn er sá að aldrei hefur fundist neinn gígur.
Höggbylgja felldi 80 milljón tré í Tunguska í Síberíu á sumarmorgni 1908. Trúlegast er að loftsteinn hafi verið á ferð.
Það gæti stafað af því að loftsteinninn hafi splundrast áður en hann náði til jarðar en þá ættu brot úr honum að hafa dreifst um svæðið en þau hafa aldrei fundist.
Sökudólgurinn lágfljúgandi járnhnöttur
Nú hafa vísindamenn hjá rússnesku vísindaakademíunni í Moskvu loks leyst þessa ráðgátu. Með hjálp tölvulíkans hafa þeir reiknað út að hafi loftsteinninn ekki verið úr klöpp heldur járni og honum ekki slegið niður heldur hafi hann þeyst gegnum gufuhvolfið í 10-15 km hæð, myndu afleiðingarnar koma heim og saman við eyðilegginguna og frásagnir sjónarvotta.
Loftsteinn hlífði jörðinni
Nýleg rannsókn bendir til að sprengingin yfir Tunguska í Síberíu 1908 hafi orðið af völdum loftsteins sem þaut í gegnum gufuhvolfið.
1. Loftsteinn flýgur lágt
Járnloftsteinn, um 200 metrar í þvermál, stefnir á jörðina. Hann er á 72.000 km hraða og kemur úr lágu horni, kringum 10 gráður.
2. Höggbylgja breiðist út
Í 10-15 km hæð yfir skógum Síberíu sendir járnsteinninn höggbylgju gegnum glóandi heitt loft. Á 2.000 ferkílómetra svæði sviðna tré og falla til jarðar.
3. Járnið fór sína leið
Vegna þess að loftsteinninn var úr járni komst hann lítt skaddaður í gegnum gufuhvolfið. Í stað þess að brotna tekur hann stefnuna út úr gufuhvolfinu aftur og heldur áfram för sinni kringum sólina.
3. Járnið fór sína leið
Vegna þess að loftsteinninn var úr járni komst hann lítt skaddaður í gegnum gufuhvolfið. Í stað þess að brotna tekur hann stefnuna út úr gufuhvolfinu aftur og heldur áfram för sinni kringum sólina.
1. Loftsteinn flýgur lágt
Járnloftsteinn, um 200 metrar í þvermál, stefnir á jörðina. Hann er á 72.000 km hraða og kemur úr lágu horni, kringum 10 gráður.
2. Höggbylgja breiðist út
Í 10-15 km hæð yfir skógum Síberíu sendir járnsteinninn höggbylgju gegnum glóandi heitt loft. Á 2.000 ferkílómetra svæði sviðna tré og falla til jarðar.
3. Járnið fór sína leið
Vegna þess að loftsteinninn var úr járni komst hann lítt skaddaður í gegnum gufuhvolfið. Í stað þess að brotna tekur hann stefnuna út úr gufuhvolfinu aftur og heldur áfram för sinni kringum sólina.
Samkvæmt útkomu tölvulíkansins hefur þessi járnsteinn verið allt að 200 metrar í þvermál og komið inn í gufuhvolfið í tiltölulega lágum vinkli, 9-11 gráðum miðað við yfirborð jarðar.
Yfir Tunguska kom steinninn næst yfirborðinu og þar hefur hann skapað brennandi heita höggbylgju sem felldi tré og sveið yfirborðið. En vegna stærðar sinnar og hraða, um 11 km á sekúndu, hefur hann haft í sér svo mikla hreyfiorku að hann skall ekki til jarðar heldur hélt áfram og náði aftur út úr gufuhvolfinu.
