Tækni

Hinir sjaldgæfu, bláu demantar hafa þann sérstaka eiginleika að lýsa í myrkri og eftir rannsóknir á 67 náttúrulegum, bláum demöntum hafa bandarískir vísindamenn nú komist að því að ljósmynstri þeirra má líkja við fingraför.

Bláu demantarnir – þeirra á meðal hinn frægi Hope-demantur – gefa allir frá sér rautt ljós þegar að þeim er beint kröftugu ljósi. Ástæðan er fólgin í örlitlum óhreinindum í þessum eðalsteinum. Í bláum gervidemöntum eru engin óhreinindi og aðferðina má því nota til að afhjúpa falska demanta.