Óhefðbundin en áhrifarík meðferð geðraskana

Vísindamenn hafa sýnt fram á að einföld aðferð getur haft furðu góð áhrif á geðheilbrigði geðsjúkra.

BIRT: 31/03/2023

LESTÍMI:

2 mínútur

Það kemur eflaust einhverjum á óvart að rannsóknin sýnir að fólk nær betri árangri með stuttum, vikulegum æfingum frekar en lengri æfingum.

 

Samkvæmt WHO er áttundi hver einstaklingur í heiminum með einhvers konar geðröskun en margir hafa ekki aðgang að nauðsynlegri læknismeðferð. En umfangsmikil vísindaleg úttekt úr nærri 100 vísindarannsóknum með samtals 128.119 sjúklingum sýnir að hreyfing gæti verið góður valkostur til móts við hefðbundna læknismeðferð.

 

Nýja rannsóknin sem birt er í British Journal of Sports Medicine, segir að hreyfing sé eitthvað sem getur hjálpað andlegri heilsu. Það er langt í frá nýtt af nálinni að hreyfing hafi jákvæð áhrif á sálarlífið en þessi nýja greining sem er sú umfangsmesta sinnar tegundar, leiðir í ljós að hreyfing er jafn áhrifarík og jafnvel betri en sálfræðimeðferð og læknismeðferð (lyfjameðferð) til að byrja með.

 

Styrktarþjálfun best gegn þunglyndi

„Það er vitað að líkamleg hreyfing hjálpar geðheilsunni,“ útskýrir einn vísindamaðurinn á bak við rannsóknina, Ben Singh, frá háskólanum í Suður-Ástralíu. Sýnt þykir að líkamleg áreynsla getur dregið úr einkennum þunglyndis og kvíða hjá öllum hópum sjúklinga með þessa sjúkdóma, þó það hafi misjafnlega mikil áhrif eftir einstaklingum“.

 

Byggt á fjölmörgum og ítarlegum rannsóknum geta vísindamenn séð að styrktarþjálfun virðist virka best gegn þunglyndi. Jóga og þrekíþróttir virðast hins vegar hafa bestu áhrifin á fólk með kvíða.

Aukið serótónín og noradrenalín

Líkamleg hreyfing í meðallagi til mikillar hreyfingar virðist hafa jákvæð áhrif á bæði þunglyndi og kvíða. Vísindamenn segja að þetta sé að hluta til vegna aukins magns serótóníns og noradrenalíns. Í þunglyndi minnkar magn bæði serótóníns og noradrenalíns og því eru þessi taugaboðefni mikilvæg fyrir hamingjutilfinningu okkar og andlega vellíðan.

 

Rannsóknin sýnir líka, sem kemur nokkuð á óvart, að fólk nær bestum árangri með stuttum vikulegum æfingum frekar en lengri. Samkvæmt fræðimönnum er þetta vegna þess að það er hugsanlega viðráðanlegra fyrir fólk sem þegar glímir við andlegar og kannski líkamlegar áskoranir.

 

„Það sem er mikilvægast að hafa í huga, er að það virðist ekki þurfa mikla líkamsrækt til að hafa jákvæð áhrif á andlega heilsu,“ segir Ben Singh.

BIRT: 31/03/2023

HÖFUNDUR: BJØRN FALCK MADSEN

HÖFUNDARÉTTUR MYNDA: © Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is