Skrifað af Alheimurinn Geimferðir og geimrannsóknir Stjörnufræði

Galilei uppgötvaði Neptúnus þegar árið 1613

Ysta reikistjarna sólkerfisins, Neptúnus, fannst árið 1846. Þetta hafa stjörnufræðingar hingað til álitið fyllilega staðfest. En ítarleg athugun á 400 ára gömlum glósum ítalska vísindamannsins Galileos Galilei bendir nú til að hann hafi uppgötvað Neptúnus þegar árið 1613.

Ástralski eðlisfræðingurinn David Jamieson við Melbourneháskóla hefur komist að því að Galileo hafði fundið himinhnött sem hvergi var að finna á neinum stjörnukortum. Nánari útreikningar hafa svo leitt í ljós að þetta hefur verið Neptúnus.

Í athugasemd frá 1613 sést að Galileo hefur tekið eftir að „stjarnan“ hafði í janúar færst til miðað við aðra stjörnu í grenndinni. Þessi uppgötvun kom honum til að fletta til baka í athuganabók sinni og bæta þar inn greinilegum, svörtum depli.

Subtitle:
Old ID:
1025
842
(Visited 1 times, 1 visits today)
Síðast breytt: nóvember 21, 2019

Pin It on Pinterest

Share This