Skrifað af Alheimurinn Geimferðir og geimrannsóknir Orka og faratæki Tækni

Japanir sækja orku út í geim

Árið 2040 hyggjast Japanir skjóta á loft gervihnetti sem fangar sólskin í geimnum og sendir orkuna til jarðar í örbylgjuformi.

Gervihnötturinn á að vera á staðbrautinni í 36.000 km hæð yfir miðbaug þar sem hann verður því sem næst stöðugt baðaður í sólskini. Þar eð örbylgjur berast vandræðalaust gegnum ský verður með þessu móti unnt að tryggja orkuvinnslu óháð veðri. Gríðarstórt kerfi loftneta á að taka við örbylgjunum og breyta þeim í raforku. Hugmyndir um orkugervihnött ná aftur til 1968 þegar bandaríski verkfræðingurinn Peter Glaser fékk einkaleyfi á hugmyndinni. Á síðari árum hefur hugmyndin aftur skotið upp kollinum, bæði hjá Bandaríkjamönnum og Japönum sem setja sér það takmark að gervihnötturinn geti skaffað 1.000 megawött.

Subtitle:
Old ID:
1154
972
(Visited 5 times, 1 visits today)
Síðast breytt: september 17, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.