Skrifað af Eldri siðmenningar og fornleifafræði Menning og saga

Egypskt musteri vígt kattagyðju

Egypskir fornleifafræðingar hafa grafið upp rústir musteris sem reist var til heiðurs Bereníku 2. sem var drottning 246-222 f.Kr. Musterið er í hafnarborginni Alexandríu og þar hafa vísindamennirnir fundið 600 styttur og lágmyndir. Margar myndanna sýna kattagyðjuna Bastet og það bendir til að musterið hafi verið helgað dýrkun hennar. Þetta er í fyrsta sinn sem í Alexandríu finnst musteri þar sem Bastet hefur verið dýrkuð, en hún er þó alls ekki óþekkt í guðatölu Forn-Egypta. Bastet var upprunalega ljón sem verndað gat konunginn í ófriði, en á tímum Bereníku 2. voru grísk áhrif komin til sögunnar. Bastet tengdist grísku gyðjunni Artemis og var orðin að ketti. Auk styttna og mynda af Bastet fundu fornleifafræðingarnir myndir af óþekktum konum og börnum og styttur af fleiri guðum.

Bereníka 2. var dóttir Magas Makedóníukonungs og Apamu drottningar og giftist Demetríosi Makedóníuprinsi. En hún lét drepa eiginmann sinn vegna þess að hann átti í ástarsambandi við móður hennar. Skömmu síðar giftist hún Ptolemaiosi 3. konungi Egyptalands.

Subtitle:
Old ID:
1254
1072
(Visited 16 times, 1 visits today)
Síðast breytt: september 17, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.