Skrifað af Loftlag og umhverfi Náttúran Tækni Veður og veðrátta

Hvernig myndast skýstrókar?

Skýstrókar myndast aðeins þar sem þegar hefur orðið til öflugt þrumuský. Grunninn að skýinu leggur heitt loft sem sogast inn í skýið og gefur frá sér vatnsgufu í dropa sem svo falla til jarðar sem úrkoma.

Slík ský myndast í óstöðugu lofti. Loftmassi er óstöðugur þegar tiltölulega lítil hitaaukning við yfirborð jarðar nær að flytja loftsameindir hátt upp í loftið. Á norðurhveli eykst óstöðugleikinn þar sem loftstraumar snúast réttsælis og öflugustu skýin myndast einmitt á þeim svæðum. Þrumuskýið virkar nú eins og sjálfstæð vél þar sem eldsneytið er hiti og raki. Inni í skýinu stígur heitt loft upp en kaldara loft myndar regn eða hagl sem fellur til jarðar. Undir skýið sogast loft af allstóru landsvæði og niðri við jörð dregst saman mikið loft og sogast upp að skýinu.

Skýstrókurinn myndast undir þrumuskýinu þegar hringsnúningur loftsins verður hraðari. Sé loftið mjög óstöðugt myndast sjálfstætt lágþrýstisvæði undir skýinu og loftið hringsnýst kringum miðjuna. Hringiða myndast sem sogast upp að skýinu. Vegna vindhraðans kringum miðjuna lækkar loftþrýstingur þar og rakinn í loftinu þéttist í vatnsdropa sem gera skýstrókinn sýnilegan. Þegar hringiðan nær alla leið til jarðar litast hún einnig af því efni sem hún sogar upp.

Subtitle:
Hvaða kraftar eru það sem skyndilega koma loftinu til að þyrlast í hringi á gríðarlegum hraða?
Old ID:
1206
1024
(Visited 59 times, 1 visits today)
Síðast breytt: september 17, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.