Skrifað af Jarðfræði Náttúran Náttúruhamfarir

Risaloftsteinn gæti hafa skollið á Kongó

Risastór loftsteinn, um 2 km í þvermál gæti hafa skollið til jarðar fyrir um 146 milljón árum, þar sem nú er Lýðveldið Kongó. Þetta segja vísindamenn við Padovaháskóla á Ítalíu eftir athuganir á nákvæmum gervihnattamyndum frá bandaríska fyrirtækinu TerraMetrics Inc.

Á myndunum má grein hring, sem er 46 km í þvermál þar sem hann er breiðastur. Svæðið kallast Wembo-Nyama og í hringnum rís yfirborðið 50-60 metrum hærra en í kring. Þetta virðist nokkuð merkilegt við fyrstu sýn, en ítölsku vísindamennirnir skýra það þannig að höggið frá slíkum loftsteini geti komið klöpp í neðri jarðlögum til að lyftast upp í eins konar kúpul. Síðan hefur tímans tönn veðrað svæðið í kring þannig að kúpullögunin sést enn greinilegar. Nú er fyrirhugaður leiðangur á svæðið og ætlunin er að sanna eða afsanna þessa tilgátu ásamt því að vinna nákvæmari tímasetningu.

Subtitle:
Old ID:
1223
1041
(Visited 14 times, 1 visits today)
Síðast breytt: september 17, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.