Visit Sponsor

Skrifað af Alheimurinn Geimferðir og geimrannsóknir Sérvalið Stjörnufræði

Eru litirnir í geimmyndum ekta?

Á síðari árum hafa verið birta æ fleiri litskrúðugar myndir utan úr geimnum. En eru það eðlilegir eða falskir litir sem við fáum að sjá?

Hinir skæru litir sem við fáum stundum að sjá á myndum sem t.d. eru teknar frá Hubble-geimsjónaukanum, eru ekki alltaf í fullu samræmi við það sem við myndum sjá með eigin augum. Stundum nota stjörnufræðingarnir gerviliti til að draga fram ákveðin atriði sem mannsaugað fær ekki greint með öðru móti. Myndavél Hubble-sjónaukans er fær um að fanga alla liti sem mannsaugað greinir og til viðbótar margvíslega geislun sem er okkur ósýnileg, svo sem innrautt ljós og röntgengeislun.

Þegar myndir eru teknar frá Hubble-sjónaukanum er það gert í gegnum síur sem aðeins hleypa í gegnum sig ljósi – eða öllu heldur rafsegulgeislun – af ákveðinni gerð. Með því að setja saman myndir af sama fyrirbærinu, teknar gegnum mismunandi síur, geta stjörnufræðingar svo fengið út mynd í eðlilegum litum. En þeir geta líka tekið þann kost að auka litamun eða sýna ósýnilega geislun í formi ákveðinna lita, eins og sýnt er með dæmum hér að ofan.

(Visited 7 times, 1 visits today)
Síðast breytt: nóvember 21, 2019