1. Sofandi börn eins og uppvakningar
Um 40% allra barna ganga í svefni að minnsta kosti einu sinni í uppvextinum og sum halda því áfram á fullorðinsaldri.
Svefngenglar eru með opin augun og skynja umhverfið en bregðast ekki við öðru fólki.
Fyrirbrigðið gerist í djúpsvefni, þegar heilastöðvar sem aðeins eru virkar í vöku, virkjast sökum einhvers konar galla.
2. Heilinn skapar ótta
Hjartslátturinn er hraður og barnið æpir af ótta en þú getur ekki vakið það.
Þetta er nefnt svefnhræðsla og stafar af því að óttastöðvar heilans, heilamandlan, virkjast í djúpum svefni.
3. Svefngengill sýknaður af nauðgun
Sjaldgæft afbrigði þess að ganga í svefni felst í kynferðisathöfnum. Oftast eru þetta saklausar, kynlífstengdar hreyfingar í svefni.
Árið 2014 var sænskur karlmaður þó sýknaður af nauðgun, vegna þess að hann taldist hafa verið sofandi þegar hann framdi verknaðinn.
4. Táningar festast í djúpsvefni
Sjaldgæft svefnfyrirbrigði, Kleine-Levin heilkennið, einnig nefnt Þyrnirósarsvefn, felst í langvarandi, þungum svefni sem getur staðið yfir í allt að 21 klukkustund.
Þetta leggst einkum á unglinga og stafar að líkindum af einhvers konar galla í heilastúkunni sem á þátt í að stýra jafnvægi svefns og vöku.
5. Skyndileg sprenging í höfðinu
Bang og þú hrekkur upp. Sumu fólki finnst stundum að það heyri sprengingu eða byssuskot, rétt áður en það vaknar. Fyrirbrigðið kallast á ensku „Exploding head syndrome“ eða „höfuðsprengiheilkenni.“
Í sumum tilvikum sér fólk ljósblossa. Læknar telja mögulega skýringu vera virkni í heilastöðvum sem skynja hávær hljóð.
