Hversu lengi getum við lifað án matar?

Ef við innbyrðum alls engar hitaeiningar, heldur drekkum bara vatn, hversu lengi getum við þá lifað? Hver á metið?

BIRT: 12/06/2022

LESTÍMI:

2 mínútur
Share on facebook

 

Viðmiðunarregla lækna um það hversu lengi vel nærður fullorðinn einstaklingur geti lifað án nokkurrar fæðu eru 40 dagar.

 

Þessi tala byggir á rannsóknum á þátttakendum í hungurverkfalli, sem birt var í breska læknablaðinu British Medical Journal árið 1997. Meðan á hungurverkfallinu stóð komu upp alvarlegir og lífshættulegir fylgikvillar þegar liðnir voru á bilinu 21 til 40 dagar.

 

Í raun réttri ræðst líftíminn af upprunalegri fituprósentu einstaklinganna, því hærri, þeim mun betra. Þá ber einnig að geta þess að maðurinn ver aukalegri orku í að halda hitanum uppi eða niðri í bæði kulda og hita.

 

Svíi sem festist í snjó lifði í tvo mánuði

Í rannsókn sem birtist í tímaritinu Nutrition Bulletin árið 2001 kom í ljós að konur þola sult betur en karlar.

 

Vísindamenn að baki rannsókninni drógu þá ályktun að konur gæfust upp þegar líkamsþyngdarstuðullinn væri kominn niður í gildið 11 en að karlarnir gæfu upp bátinn þegar stuðullinn væri kominn niður í 13.

 

Ef líkamsþyngdarstuðullinn nemur 13 vegur 180 cm hár karlmaður aðeins 42 kg á meðan 170 cm há kona vegur aðeins 32 kg þegar líkamsþyngdarstuðullinn fer niður 11.

 

Sultur veldur niðurbroti í vöðvum og lifur

  • Lifur

Glýkógen í lifur og vöðvum umbreytist í glókósa. 

 

  • Fituforði

Fituforðabúr líkamans umbreytast í úrgangsefni sem nefnast ketón.

 

  • Vöðvar

Prótein úr vöðvavef umbreytist í glúkósa.

 

Nokkrar lygilegar sögur um innilokun, hvort heldur af fúsum og frjálsum vilja eður ei, teygja mörkin upp í næstum tvo mánuði. Hér nægir að nefna frásögnina af Svíanum Peter Skyllberg, sem, að eigin sögn, lokaðist inni í bíl sínum í skafli nærri borginni Umeå frá 19. desember 2011 til 17. febrúar 2012, í alls 60 sólarhringa.

 

Ekki er víst hvort hann hafði aðgang að einhverju takmörkuðu magni hitaeininga í t.d. súkkulaði, en vitað er að hann fékk ekkert að drekka annað en bræddan snjó.

BIRT: 12/06/2022

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is