Úr hverju er alheimur?

Alheimur er augljóslega fullur af stjörnum, plánetum og gasþokum. En fjölmargir útreikningar sýna að eitthvað annað sem við getum ekki séð, hlýtur nauðsynlega að vera til staðar. Hvað er það?

Alheimur

Lestími: 2 mínútur

 

Hvað er vitað?

 

Þegar ljósið sem berst frá fjarlægum stjörnuþokum er greint, kemur upp úr dúrnum að ljósið svignar meira en vænta má á leið sinni til jarðar. Þyngdarkrafturinn frá þeim stjörnuþokum sem ljósið fer hjá er of lítill til að skýra mælda sveigju ljóssins.

 

Fyrir vikið telja stjarnfræðingar að það fyrirfinnist svokallað hulduefni sem skýrir þann þyngdarkraft sem þarf til að reikningsdæmið gangi upp. Jafnframt þenst alheimur sífellt hraðar út og þá þarf að gera ráð fyrir fráhrindandi krafti sem hefur verið nefndur „hulduorka“.

 

Það er hægt að umreikna þá orku sem verður að vera til staðar, yfir í massa, þökk sé hinni víðfrægu jöfnu Einsteins: E = mc2. Þannig er hægt að fá haldbært svar við því hve stór hluti alheims samanstendur af hulduefni og hulduorku.

 

Getum við vænst svars?

 

Hvað hulduefni varðar, þá leita stjarnfræðingar ennþá að stórum og þungum öreindum sem geta útskýrt þennan óþekkta þyngdarkraft. Það er komin ágæt reynsla af því að finna nýjar öreindir á rannsóknarstofum svo vera má að það takist.

 

Hulduorkan er öllu erfiðari viðfangs og í raun eru engar góðar tilgátur um hvað það fyrirbæri kunni að vera. Málið flækist síðan enn frekar þar sem örðugt er að mæla útþensluhröðun alheims.

 

 

Birt 08.06.2021

 

 

Ritstjórn

 

 

(Visited 304 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR