Stökkbreytt gen hjálpar okkur að sofa minna

Ástæðu minni svefnþarfar gæti verið að finna í sérstakri genastökkbreytingu. Þetta er niðurstaða rannsóknar sem gerð var af vísindamönnum við Kaliforníuháskóla.

Eitt gen hefur mikil áhrif á hversu mikinn svefn við þurfum. Það sýna niðurstöður frá rannsóknarteymi frá Kaliforníuháskóla í Bandaríkjunum.

 

Vísindamennirnir rannsökuðu gen tólf fjölskyldumeðlima, þar sem öll þurftu ekki nema 4,5 tíma svefn á dag. Flest okkar þurfa sjö til átta tíma.

 

Hjá öllum fjölskyldumeðlimum fundu vísindamenn sömu stökkbreytingu í geni sem kallast ADRB1.

 

Eftir uppgötvunina ræktuðu vísindamennirnir hóp rotta með genastökkbreytinguna og í ljós kom að rotturnar sváfu að meðaltali 55 mínútum minna á dag en aðrar rottur.

 

                          Stökkbreyting jók mjög virkni í frumuhópi í heilabrúnni sem heldur heilanum vakandi.

Stökkbreyting getur breiðst út

 

Rannsakendur skoðuðu síðan heilastarfsemi rottanna í svefni og vöku og fundu mun á svæði heilabrúarinnar sem er hluti af heilastofninum.

 

Taugafrumurnar á þessu svæði voru yfirleitt virkari hjá rottunum með erfðabreytinguna þegar þær voru vakandi en hjá öðrum rottum.

 

Niðurstaða vísindamannanna er sú að genið ADRB1 stjórni heilafrumum sem halda okkur vakandi.

 

Það virðist ekki vera neinn ókostur við stökkbreytinguna og því telja vísindamenn að hún geti breiðst út með tímanum svo komandi kynslóðir þurfi minni svefn.

 

 

13.05.2021

 

 

 

JENS E MATTHIESEN

 

 

(Visited 835 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR