ABO-blóðflokkakerfið hefur verið við lýði í minnst 20 milljón ár, en það varð til í fjarlægum, sameiginlegum forföður manna og apa.

Alþjóðlegt teymi vísindamanna, frá m.a. háskólanum í Chicago, hefur greint erfðavísana að baki blóðflokkum manna, górilla, simpansa og annarra prímata.

Niðurstöður þeirra leiddu í ljós að apar hafa yfir að ráða sama blóðflokkakerfi og við mennirnir og þær sýndu jafnframt að blóðflokkarnir, eins og við þekkjum þá í dag, höfðu þegar myndast í síðasta sameiginlega forföður allra ofangreindra, þ.e. í apa sem er löngu útdauður.

Dreifing blóðflokkanna er mjög breytileg frá einu landsvæði til annars. Um 41 prósent jarðarbúa er í blóðflokki O á meðan AB er sjaldgæfastur.

Blóðflokkurinn AB er hvergi eins algengur og í Suður-Kóreu en þar eru samt sem áður einungis níu prósent í þeim blóðflokki.