Árið 1961 hvarf Malika de Fernandez frá heimili sínu í grennd við mýrina Lindow Moss sem er að finna eina 20 km suður af ensku stórborginni Manchester. Lögregluna grunaði sterklega að fyrrum eiginmaður Maliku, að nafni Peter Reyn-Bardt, hefði myrt hana en án líks var ekki margt sem lögreglumennirnir gátu aðhafst.
Snjöllum rannsóknarlögreglumanni tókst hins vegar að upplýsa málið 22 árum síðar, með aðstoð líks sem hvíldi í mýrinni. Árið 1983 fundu menn sem stunduðu torfgröft, mannshöfuð í mýrinni Lindow Moss. Súrefnissnautt vatnið í mýrinni hafði varðveitt höfuðið svo vel að mennirnir gátu komið auga á heila líksins gegnum gat á höfuðkúpunni. Þeir gerðu lögreglunni því strax viðvart og lögreglan hrinti af stað lögreglurannsókn.
Einn rannsóknarlögreglumannanna fékk þá hugmynd að nota tækifærið til að komast til botns í óupplýsta mannshvarfinu frá árinu 1961 og leitaði Peter Reyn-Bardt fyrir vikið uppi. Þegar Peter heyrði að fundist hefðu vel varðveittar leifar af konu í mýrinni brotnaði hann saman. Peter Reyn-Bardt viðurkenndi að hafa kyrkt eiginkonu sína, bútað líkið í sundur og grafið líkamshlutana í Lindow Moss.
„Það var liðinn svo langur tími að mér datt aldrei í hug að ég yrði gómaður“, sagði hann.
Eiginkonan fyrrverandi ógnaði manni sínum
Peter Reyn-Bardt sagðist vera samkynhneigður og að eiginkona hans hefði komið að sér og elskhuganum og reynt að hafa út úr þeim fé. Hún hafi hótað að tilkynna þá til lögreglunnar en samkynhneigð var enn ólögleg í Bretlandi á árunum upp úr 1960. Heimsókn konunnar endaði með handalögmálum og hún lést.
Þannig eignumst við nýja vini
Er erfitt að stofna til vináttu? Þá eru vísindamennirnir boðnir og búnir að hjálpa til. Þeir hafa beitt nokkrum vísindalegum rannsóknum til að komast að raun um fimm áhrifaríkar aðferðir sem auka líkurnar á myndun traustra vináttubanda.
Lestu einnig:
Játningin leiddi til þess að Peter Reyn-Bardt var dæmdur í lífstíðarfangelsi. Síðari athuganir leiddu í ljós að engan veginn gat hafa verið um að ræða jarðneskar leifar Maliku de Fernandez. Sérfræðingar komust að raun um að konan í mýrinni væri um 1.600 ára gömul og að hún hefði sennilega verið færð guðunum að fórn á járnöld en þá var orðið of seint fyrir Peter Reyn-Bardt að draga játningu sína til baka, þó svo að hann reyndi það.
