Skrifað af Alheimurinn Eðlisfræði og stærðfræði Geimferðir og geimrannsóknir Náttúran

Hvernig er hæð mæld á öðrum hnöttum?

Á öðrum reikistjörnum, þar sem ekki er unnt að miða við yfirborð sjávar, er nauðsynlegt að finna einhvers konar meðalhæð á hnettinum til viðmiðunar. Í þeim tilgangi eru gerðar hæðarmælingar með leysi eða radar. Á Mars hefur hæðarmunur verið mældur mjög nákvæmlega frá gervihnettinum Mars Global Surveyor. Á grundvelli mælinga með leysitækinu “Mars Orbiter Laser Altimeter” var hægt að ákvarða meðalgeisla (radíus) hnattarins við miðbaug 3.396.200 metra með 160 metra nákvæmni. Þessi meðalgeisli er nú notaður sem núllpunktur við hæðarmælingar. Á sama hátt hafa menn mælt hæðarmun á Venusi með radartækjum um borð í gervihnettinum Magellan, sem var í braut um Venus í fjögur ár, 1990-1994. Hér var núllhæðin ákvörðuð sem meðalhæð flatlendisins sem þekur meginhlutann af yfirborði reikistjörnunnar.

Subtitle:
Hér á jörð er hæð fjalla mæld frá sjávarmáli. Hvernig er farið að því að mæla hæð fjalla og hæða í landslagi á reikistjörnum á borð við Mars og Venus þar sem ekki er neitt vatn?
Old ID:
458
296
(Visited 6 times, 1 visits today)
Síðast breytt: nóvember 21, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.